Ginkasal na ang aktres nga si Bea Alonzo sa negosyante nga si Vincent Co.
Ginkumpirma ini ni Makati Mayor Nancy Binay nga amo ang nag-officiate sang kasal sa iya nga opisina, kag amo man ang nag-post sang picture nga nagakumpirma sang seremonya.
Sa statement naman ni Atty. Joey V. Garcia nga legal counsel ni Bea, ginsiling nga natabo ang civil ceremony sang Lunes, alas syete sa gab-i.
Sandig sa sources, wala sa kasal ang ginikanan nanday Bea kag Vincent, kag anum ka tawo lang ang nagtambong sa amo nga seremonya.
Matandaan nga ginsapubliko ni Bea ang iya relasyon kay Vincent sang 2025.
Sang Marso 2026, gin-publish sang parokya sa Manila ang ila wedding banns apisar nga sang amo nga tion wala pa sang kumpirmasyon sang engagement.
Ginapahayag nga Mayo 14 kuntani ang kasal didto sa Espanya apang wala nadayon bangud sa indi pagsalantuanay sang probisyon sa ila prenuptial contracts.
Ini nga espekulasyon ang gin-address man sang abogado ni Bea kagab-i kun sa diin ginklaro sini nga boluntaryo nga nagpirma ang duha sa prenuptial agreement antes ang kasal kag wala sang legal impediment nga natabo.
Nahibaluan nga magluwas sa iya wedding, ginabantayan man si Bea sa iya comeback project nga “Whispers From Heaven” nga ipagwa kadungan sang iya ika-25 nga tuig sa show business.#
