ILOILO CITY- Nagsugod na ang pag roll- out sang bivalent vaccines sa Iloilo City.
May yara sang 268 vials tanan sang vaccines ang nag- abot ukon kabilugan nga 1608 doses bangud ang kada vial ang may anom ka doses.
Ang kada ospital nakabaton sang 10 vials ukon 60 doses sang vaccines.
Samtang ang sobra nga vaccines ang nagkadto sa mga health personnel sa kada health center kag sa mga senior citizens sa pila ka mga barangay.
Sa interview sang Bombo Radyo kay Mayor Jerry Treñas, iya ginpahayag nga maayo man ang pagbaton sang mga beneficiaries sang bakuna apang indi siya sigurado kun batunon sang lubos sang publiko kun i-tanyag ini sa ila.
Gin-athag naman sang alakalde nga indi makabakal sang bakuna direkta ang syudad bangud donasyon lang ini sang national government nga ginpangpartida sa kada Local Government Unit.
