Nagpaandam si former Senator Antonio Trillanes IV nga sunod nga dagdagan sang arrest warrant sang International Criminal Court (ICC) si Senador Bong Go.
Ini pagkatapos sang kumpirmasyon sang ICC nga nadagdag na ang arrest warrant kay Senator Ronald “Bato” dela Rosa sang Nobyembre 6, 2025.
Nagsiling si Trillanes nga nakabaton siya sang impormasyon nga may posible man nga arrest warrant batok kay Go bilang kahimbon ni anay Presidente Rodrigo Duterte sa mga kaso nga crimes against humanity, murder, kag attempted murder.
Dugang niya, wala pa ugaling sang kasiguraduhan suno sa iya kun san-o magaguwa ang arrest warrant.
“Ang susunod po ay Senator Bong Go…pero para maliwanag baka buwan pa ang bibilangin nito,” suno sa former senator. “Ito yung pagbabayad o pagiging accountable…noong namamayagpag sila, wala silang pakialam sa buhay ng Pilipino. Ito na, singilan na ito.”
Pahayag pa ni Trillanes, ginsugid si Bong Go sa ICC bangud sang kasagsagan sang extrajudicial killings, siya ang nagahatag sang reward sa kada pagpatay nga matabo.
Luwas sini, nag-alagad man suno sa iya si Go bilang lider sang “Special Operations Group” sa sulod sang “National Death Squad” ni Duterte.
Nahibaluan nga pareho sanday dela Rosa kag Go nga ginhingadlan na anay sang ICC bilang co-perpetrator ni Duterte, apang indi pareho kay dela Rosa, nagpabilin si Go sa mga sesyon kag wala ini nagpalagyo.
Bangud yara subong si Dela Rosa sa protective custody sang upper chamber, pareho sila ni Go nga nagatambong sa sessions.
Luwas kanday dela Rosa kag Go, ginapahayag nga posible man nga maisyuhan sang arrest warrant sang ICC ang isa pa ka anay hepe sang Philippine National Police nga si Oscar Albayalde.
 si Senador Bong Go.){kind=link}