MOLO,ILOILO CITY– Nadala gid ang porsyon sang barangay hall sang Infante, Molo, Iloilo City sa ginbakbak sa ginpatigayon nga Oplan Hawan ukon ang full clearing operation sang mga national road santo sa mando ni Presidente Rodrigo Duterte nga limpyuhan ang mga dalanon gikan sa ano man nga obstruction.
Sa interview sang Bombo Radyo kay Punong Barangay Myrna Espinosa, iya ginpahayag nga sang panahon pa ni anay Punong barangay Benito Bonite sang gin-extend ang barangay hall kag ginbutangan sang balkonahe nga naglaksam na sang sidewalk nga makabig nga obstruction.
Wala naman sang nangin problema ang punong barangay sa pagbakbak sang porsyon sang ila barangay hall.
Samtang, nagmato-mato man ang mga pumuluyo sa pagkakas sang ila mga atop sang balay nga nagalapaw na kag nagalaksam na sa dalan.
