Nagpaandam si British Prime Minister Keir Starmer nga posible na kilalahon sang Britanya bilang estado ang Palestinian sa Setyembre, kun indi maghimo sang konkreto nga mga tikang ang Israel agud tapuson ang krisis sa Gaza.
Sa iya pahayag, ginpunto ni Starmer nga dapat untaton ang giyera, tugutan ang padayon nga pagpasulod sang humanitarian aid, kag likawan ang ilegal nga pagpang-angkon sang mga teritoryo sa West Bank.
Ang warning nga ini, nagguwa matapos ang report sang Integrated Food Security Phase Classification (IPC) nga nagapakita nga naglab-ot na sa lebel sang tagutom ang kahimtangan sa Gaza.
Suno sa report, nagtaas man ang numeri sang nga napatay bangud sa gutom kag malnutrisyon, lakip na ang 88 ka mga kabataan.
Ginkondenar naman ini ni Israeli Prime Minister Benjamin Netanyahu, kag ginsiling nga ang pagkilala sa Palestinian ang possible reward lang sa terorismo nga ginahimo sang Hamas.
Samtang, ginpahayag naman ni US President Donald Trump nga indi siya pabor sa paghatag sang reward sa Hamas, apang wala niya ini ginabalabagan ang desisyon sang Britain.
