Wala napilian ang subang nga anak ni LeBron James nga si Bronny sa una nga round sang 2024 National Basketball Association (NBA) Draft.
Matandaan nga sang nagligad nga bulan sang nag-deklarar ang 19-anyos nga player nga magapapili ini sa liga apisar sang isa ka tuig lang sini nga eksperyensya sa college basketball sa Southern California kun sa diin naka-average ini sang 4.8 points, 2.8 rebounds kag 2.1 assists per game sang nagligad nga season.
Antes pa man nagsugod ang iya collegiate career, nagsuprer pa ini sang cardiac arrest sang Hulyo 2023 kag sang ulihi ginsapubliko nga may yara siya sang congenital heart defect.
Apisar sini nga kondisyon, sang nagligad nga bulan, nahatagan ini sang medical clearance nga makahampang sa NBA.
Posible nga matumod ang iya karera sa liga sa pag-resume sang second round sang draft kun sa diin ginabati-bati man sa pila ka reports nga kuhaon siya sang Lakers.
Apisar makasulod ini sa second-round, matunog gihapon nga gina-istoryahan ang iya pangalan nga wala nadala sa first-round bangud sa iya apelyido.
Ang iya amay nga si LeBron nga amo ang scoring leader kag four-time champion sa NBA kag subong naga-edad na sang 39-anyos ang magasulod na sa iya ika-22 nga season sa liga.
Pananglitan makahampang si Bronny sa masunod nga season, siya kag si LeBron ang mangin una nga father-son duo nga dungan magahampang sa liga. May yara na sang ginabanta 100 ka mga anay kaso sa NBA history kun sa diin nakasulod ang players matapos nga nakahampang man ang ila amay, apang wala pa sang na-rekord nga nagdungan sila sa paghampang.
