ILOILO – Dako nga palaligban sa mga gobyerno kun paano nila mabuligan ang mga Badjao nga naga liho-liho sa syudad.
Sa interview sang Bombo Radyo kay Atty.Jerry Ann Delfin, Vice Head sang Committee on Central Cultural Community sang National Commission for Culture and the Arts iya ginpahayag nga nabudlayan sila maghatag sang konkreto nga bulig sa mga Badjao bangud wala sila sang established residence ukon Nomadic sila in Nature nga mahimo kun tani nila makadtuan agud ma tsekyar.
Suno kay Delfin, wala sila sang partikular nga programa para lang sa mga Badjao bangud para ini sa tanan nga Indigent People kag wala sang special treatment.
Dugang sang natungdan, nakig-angot naman sila sa iban pa nga ahensya sang gobyerno kaangay sang Department of Health,Department of Health and Social Welfare kag Technical Education and Skills Development Authority kag iban pa agud mabuligan mga Badjao apang suno kay Delfin nabudlayan man sila nga magpalab-ot sang nagakadapat nga bulig bangud sa komplikado nila nga sitwasyon kag tradisyon.
Dugang sang natungdan, isa lang ang mahatag nga bulig sang NCCA ini ang pagpreserba sang sang ila nga kultura kag tradisyon.
