BOMBO ILOILO– Matapos nga na-recover ang P2.3 million nga balor sang shabu nagikan sa isa ka babayi nga bisita, nagpatigayon sang inspection ang Bureau of Corrections (BuCor) sa mga selda sa New Bilibid Prison- Maximum Security Compound (NBP-MSC).
Ang mga otoridad ang nagtsekyar sang mga pagkabutang sang persons deprived of liberty (PDLs) kag ang ila mga hulot agud nga ipang-confiscate ang illegal items sa sulod sang NBP-MSC.
Suno kay Superintendent Colonel Jayferson Bon-As sang NBP-MSC, labi pa nga pabaskugon sang ahensya ang pagpatigayon sang inspection bangud may yara sila sang may nabaton nga mga intel reports.
Sa tion nga may makuha sila nga kontrabando, kakson ang pila nila ka mga prebilihiyo.
Suno pa kay Bon-As, ang inspection ang ginapatigayon duha ukon tatlo ka bes sa isa ka semana apang sa subong, patigayunon na ini tubtob lima ka beses sa isa ka semana.
Sa ginpatigayon nga inspection, na-recover ang pila ka mga banned items kaangay sang cellphone, deadly weapons, routers, mga drug paraphernalia.
Kung madumduman, na-recover sang BuCor Inmate Visitation Service Unit ang apat ka plastic bag nga may unod nga 350 grams sang shabu nagikan sa bisita nga si Raquel Zuñiga.
