Ginpakamalaot ni Cardinal Pablo Virgilio David sang Kalookan ang grabe nga kurapsyon sa gobyerno nga ginasiling niya amo ang kabangdanan sang malala nga pagbaha nga ginatubang sang Pilipinas subong.
Sa iya pahayag, ginbuyagyag sang anay presidente sang Catholic Bishops’ Conference of the Philippines (CBCP) nga dapat tan-awon ang kaangtanan sang kurapsyon sa mga proyekto nga ginapatuman sang gobyerno.
Ginpabutyag niya nga ang mga kapalpakan sa pagpahamtang sang mga proyekto nga may kaangtanan sa drainage kag flood control ang nagadugang sa paglala sang pagbaha.
“Ang dapat basulon sa grabe nga pagbaha nga aton ginatubang amo ang nagpanghinitabo nga kurapsyon sa aton gobyerno,” suno kay Cardinal David. “Dapat tan-awon sang maayo kun paano gin-gamit ang pondo kag proyekto base sa report sang Commission on Audit.”
Ginpunto man sang Cardinal nga nabahaan man ang pila ka mga simbahan sa mga lugar sang Malabon kag Navotas, kabahin sang mga lugar nga masami maiguan sang pagbaha.
