Wala ginkalipay ni Cardinal Pablo Virgilio David ang AI-generated nga laragway nga ginpakigbahin ni US President Donald Trump, kun sa diin makita nga nakasuksok ini sang bayo nga kapareho sang Santo Papa.
Suno kay Cardinal David, nainsulto gid siya sa gin-ubra ni Trump, kun sa diin nga isa man ini sa nagtambong sa lubong ni Pope Francis sa Vatican sang April 26, 2025.
Gin-athag man niya nga ini nga bagay ang wala ginahimo nga kaladlawan ilabi na nga may yara ini sang dako nga kahulugan sa pagtu-o.
Madumduman nga gin-appoint si David bilang cardinal ni Pope Francis sang nagligad nga tuig, kag isa siya sa maboto sa bag-o nga santo papa sa palaabuton nga conclave sa Sistine Chapel.
