Ginkumpirma ni House Speaker Ferdinand Martin Romualdez nga mahatag ang House of Representatives sang P6 million nga incencentives sa Paris Olympics double-gold medalist nga si Carlos Yulo.
Nahibaluan nga P3 million ang mabaton sang isa ka gold medalist sa Paris Olympics 2024, apang bangud duha ang nakuha ni Yulo, gindoble ini.
Suno kay Romualdez, magluwas kay Yulo, makabaton man sang incentives ang iban pa nga mga medalists.
Ang pondo suno sa natungdan ang magahalin sa mga donasyon halin sa mga kongresista.
Magluwas diri, may mga myembro man sang private sector nga nag-volunteer man nga maghatag sang donasyon.
