Nagpanindugan ang Malacañang nga wala nagakalingkang si President Ferdinand “Bongbong” Marcos Jr. sa bisan ano man nga survey.
Ini matapos nagguwa ang latest survey sang Social Weather Stations (SWS) nga nagpakita sang negative 11 nga net satisfaction rating sang Presidente.
Sa amo nga survey, 35% sang mga Pinoy ang “satisfied” sa performance ni Marcos, 46% ang “dissatisfied”, kag 20% ang “undecided”. Ang net satisfaction rating nga -11 ang mas manubo sang kuatro puntos sa -7 sang Hunyo.
“Kahit kailan, kahit ano pang survey firm, tumaas, bumaba, hindi naaapektuhan ang Pangulo, tuloy-tuloy ang pagtatrabaho. Hindi nagbabakasyon, nagtatrabaho,” suno kay Castro sa press conference subong nga adlaw, Oktubre 9.
Ginkwestyon ni Communications Undersecretary Claire Castro ang tiyempo sang pagpagwa sang survey ilabi na samtang nga nagapadayon nga mga alegasyon batok kay Vice President Sara Duterte.
“So, very timely lang kasi ang paglabas nito dahil maraming issue na kinasasangkutan ngayon ang Bise Presidente. So, again, ang numero ng survey firms hindi po iyan makakaapekto sa pagtatrabaho ng Pangulo,” dugang niya.
Sa pihak sini, ginpahayag ni Castro nga nagapabilin nga nakatutok si Marcos sa pagtuman sang iya mga katungdanan bisan pa nagnubo ang iya satisfaction rating, kag indi suno sa iya maapektuhan sang resulta sang survey ang pagserbisyo sang punong ehekutibo sa pungsod.#
