ILOILO – Ginpatigayon subong nga adlaw ang Cermonial Ground Breaking sa bypass Road nga maga-angot sa probinsya sang Iloilo kag Capiz paagi sa banwa sang Sara, Iloilo padulong sa Maayon, Capiz.
Sa interview sang Bombo Radyo kay Iloilo 5th District Congressman Raul ‘Boboy’ Tupas, iya ginpahayag nga aprubado na ang P2.4 million nga concreting budget para sa nasambit nga bypass road.
Suno kay Tupas, natalana man nga aprubahan sa masunod nga tuig ang P150 million nga pondo para sa pagtapos sang nabilin nga duha pa ka kilometro nga bypass road.
Ginpahayag ni Tupas nga dako ang mahatag nga bulig sa ila sang Iloilo-Capiz bypass Road kun sa diin makabenepisyo ang mga mangunguma bangud mas mangin madali na para sa ila ang pagdala sang mga produkto padulong sa merkado.
Nagpalab-ot sang pasalamat ang mamalidha sa tanan nga nagsuporta kag nagbulig agud matigayon kag maaprubahan ang nasambit nga bypass road.
