Ginbawian gid sang kabuhi ang chief tanod sa sulod sang barangay hall sa Pinapugasan Proper sa Escalante City, Negros Occidental.
Ang biktima amo si alyas “Eduardo”, 61-anyos.
Base sa imbestigasyon, nagsulod ang anom ka mga armado nga kalalakihan kag gintiro ang biktima.
Yara man ang iban nga tanod sang natabo ang insidente apang sa maayo nga palad, wala sila ginhilabtan sang mga suspek.
Madasig nga nalagyo ang mga suspek kag gintaban ang handheld radio sang napatay nga tanod.
Padayon pa ang imbestigasyon sa insidente.
