Handa ang China nga magbulig sa Russia sa United Nations Security Council (UNSC) agud nga mapahagan-hagan ang tensyon sa Middle East.
Ginpahayag ini ni Chinese Foreign Minister Wang Yi kay Russian Foreign Minister Sergei Lavrov sa ila pag-istoryahanay sa telepono.
Suno kay Wang, kinahanglan ang ceasefire sa labing-madali nga tion agud masolbar na ang problema sa Strait of Hormuz.
Gindugang sini nga masami gid nga naga-upod ang China sa pagduso sang mga kawsa sang political settlement sa mga mainit nga isyu paagi sa dayalogo kag mga negosasyon.
Natabo ang pag-istoryahanay sang duha ka opisyal sang Russia kag China antes ang botohay sa UNSC sa masunod nga semana.
Botohan ang resolution sang Bahrain nga nagatuyo nga proteksyunan ang commercial shipping sa sulod kag sa palibot sang Strait of Hormuz.
Pareho nga permanent members sang UN Security Council ang China kag ang Russia.
Una na nga nagpaguwa sang statement ang Russian Foreign Ministry nga gindiskusyunan nila sang opisyal sang China ang mga paagi nga makasugtanay sa ceasefire kag mapatigayon ang “political-diplomatic dialogue.”
“Satisfaction was expressed at the coincidence in Russia’s and China’s approaches on most issues on the global agenda, including the situation around Iran, related to the unprovoked aggression of the US and Israel against that country,” suno sa statement.
 agud nga mapahagan-hagan ang tensyon sa Middle East.){kind=link}