Wala sang rason ang Pilipinas nga i-ban ukon dumilian ang paggamit sang Chinese video-sharing app nga TikTok sa Pilipinas.
Ini bangud suno kay Presidential spokesperson Harry Roque, sa idalom sang administrasyon ni Presidente Rodrigo Duterte, wala ginapunggan ang freedom of expression.
Ini ang pahayag sang Malacañang matapos ang pagpamahog ni US President Donald Trump nga dumilian ang Tiktok sa Estados Unidos bangud sang security issues bangud ginapahayag nga nagakolekta ini sang personal data.
Ang India naman ang nag-ban man sang dinosena ka Chinese apps, lakip na ang TikTok, bangud sang privacy concerns kag tensyon sa tunga sang duha ka pungsod.
Apang sa Pilipinas suno kay Roque, wala ginapunggan ang free speech, rason nga wala sang gina-ban nga website.
Ang TikTok ang isa ka popular social media platform sa pungsod kag matandaan nga bisan si Roque kag si Cabinet Secretary Karlo Nograles ang nag-upload man sang ila video nga nagapakigbahin sa TikTok craze.
