Ginkumpirma sang Criminal Investigation and Detection Group (CIDG) nga iga-refer sini ang obstruction of justice complaint sa Department of Justice (DOJ) batok kay Senator Robin Padilla kag pila ka iban pa bangud sang pagbulig agud nga makapalagyo si Senator Bato dela Rosa.
Sa statement, ginsiling sang CIDG nga ipasaka nila sa National Prosecution Service sang DOJ ang complaint sang alleged violation sang Presidential Decree No. 1829.
“Following a thorough investigation, the CIDG has officially concluded that the transport of Senator dela Rosa was not a mere hitch ride on Senator Padilla’s car, but a highly coordinated, pre-planned logistical maneuver specifically executed to avoid detection,” suno sa CIDG.
Naggwa sa imbestigasyon suno sa CIDG nga may isa pa ka salakyan nga naga-ikog sa salakyan ni Padilla nga nagaserbe nga security escort kag backup car kadungan sang pagpalagyo ni Dela Rosa.
“When individuals actively interfere in the arrest or assist in the evasion of criminal offenders to avoid prosecution, it undermines the justice system and compromises public order,” pahayag pa sini sa statement nga gin-release subong nga aga, Mayo 27.
“The PNP-CIDG emphasizes that any act of obstruction of justice will be met with criminal prosecution,” dugang pa sini.
Matandaan nga sang Mayo 13 sang gab-i (Myerkules) sang natabo ang Senate shooting. Pasado alas dos sang kaagahon sang Huwebes, nagpalagyo si Dela Rosa sa Senado sakay sa salakyan ni Padilla.
Nag-ako si Padilla nga nagsakay sa iya si Dela Rosa. Suno sa iya, naghingyo si Dela Rosa nga masakay ini bangud wala siya sang salakyan sang nag-attend siya sang sesyon sang Mayo 11 bangud nagsakay siya sa salakyan ni Senate President Alan Peter Cayetano.
Nag-insister si Padilla nga ginbilin sini si Dela Rosa sa Makati kag wala na nagpamangkot kun diin ini makadto.
May standing arrest warrant ang International Criminal Court (ICC) batok kay Dela Rosa kag ginakabig na ini sang DOJ bilang fugitive from justice. May mandu na sa Philippine National Police (PNP) kag National Bureau of Investigation (NBI) nga pangitaon si Dela Rosa.#
