PASSI CITY – Balik na sa normal nga operasyon ang City Hall kag Public Market sa Passi City bwas, Agusto 7, 2020.
Ini matapos gin lockdown ang lugar matapos narekord ang pinakauna nga indigenous case sang Coronavirus disease 2019 (COVID-19) sa Passi City.
Sa exclusive interview sang Bombo Radyo kay Passi City Mayor Stephen Palmares, iya ginpahayag nga mapaopera kuntani ang nasambit nga pasyente sang iya myoma.
Suno kay Palmares, bilang kabahin sang protocol, nagpaidalom sa real-time reverse transcription–polymerase chain reaction (RT-PCR) test ang nasambit nga pasyente sa diin nag walk-in ini sa isa ka ospital sa Syudad sang Iloilo.
Antes pa man magwa ang resulta sang RT-CPR test, nagbaligya pa sa merkado kag nagproseso pa sang iya indigency ang nasambit nga pasyente.
Sa ulihi, natukiban nga nagpositibo ang pasyente sa COVID-19.
Nagdangat naman sa 30 ka tawo ang na close contact sang nasambit nga pasyente.
