Madinalag-un nga nakuha sang Colombian tennis player nga si Camila Osorio ang kampyonato sa Philippine Women’s Open matapos sini malutos si Donna Vekic sang finals sa score nga 2-6, 6-3, 7-5 sang kahapon nga adlaw sa Rizal Memorial Sports Complex sa Manila.
Sa first set, gindominahan ni Vekic ang hampang sa score nga 6-2.
Natigayon naman nga nakabawi si Osorio sa ikaduha nga set sa score nga 6-3.
Nangin makahalawat-hawat ang ila hampang sa ulihi nga set, kun sa diin gintapos ni Osorio ang hampang matapos makuha ang ulihi nga puntos agud masiguro ang kampeonato.
Tuman naman ang kalipay ni Osorio kag ginakabig ini bilang isa ka dako nga dungog.
Ginlutos man ni Osorio sanday Sakura Hosogi kag Mai Hontama, amo man ang Filipino tennis star nga si Alex Eala, kag si Solana Sierra sa semifinals.
