ILOILO CITY- Nakahanda nga i-promote sang Iloilo City Tourism Office ang official tourism campaign video sang syudad pananglitan opisyal na ini nga malunsyar.
Sa interview sang Bombo Radyo kay Ms. Junel Divinagracia, City Tourism Officer, iya ginpahayag nga i-expose nila ini sa social media platforms kag conventions nga diri hiwaton sa syudad.
Suno kay Divinagracia, nagapati siya nga may plano man ang alkalde nga ipa- play ang video sa airport, seaports, malls kag mga lugar nga madali makita sang publiko ilabi na sang mga turista.
Bilang presidente naman sang Association of Tourism Officers in the Philippines, ginpahayag ni Divinagracia nga mismo ang magatinguha para sa mabaskog nga promosyon sang campaign video sang syudad sa iban nga lugar sa pungsod.
Gintuad naman sini nga nagkuha sila sang serbisyo sang isa ka private company kun sa diin ginkuha ang ila nga mga ideya sa city tourism bag-o nakahimo sang bag-o nga tagline sang syudad nga “My heart beats in Iloilo City”.
Sa pagpangusisa naman sang Bombo Radyo kay Mayor Jerry Trenas, iya ginkumpirma nga personal niya nga kwarta ang gin- gamit sa pag komisyon sa private company apang ang social media team sang syudad ang maga- shoot sang gamiton nga mga video sa tourism campaign.
