Ginpanindugan ni Iloilo City Lone District Representative Julienne “Jamjam” Baronda ang ka-importansiya sang kalidad kag husto nga implementasyon sang mga proyekto sa syudad, ilabi na sa isyu sang baha kag mga delayed nga mga infrastructure.
Sa interview sang Bombo Radyo kay Baronda, ginpahayag niya nga wala sang ghost projects kundi may mga pagka-delay, kag may yara sang monthly report nga ginahimo agud masundan ang progreso.
Suno sa iya, ang Department of Public Works and Highways ang dapat makasabat sa mga pamangkot parte sini, kag ang importante matapos ang proyekto sa husto nga oras kag may kalidad paagi sa pondo nga ginahatag.
Ginpaathag man niya nga may yara sang mga solusyon sa problema sang drainage sa Iloilo, kag kinahanglan lang sang kooperasyon sang tanan agud masolusyunan ini.
Ginbuyagyag man ni Baronda nga ginpamangkot niya si DPWH Secretary Vince Dizon sa budget briefing parte sa feasibility studies sang JICA kag DPWH-6, nga nagahatag sang direksyon sa mga proyekto batok sa baha.
