Nagpanawagan ang Department of Agriculture (DA) sa local tomato farmers nga magpakig-angot sa ila para nga mabuligan sila nga mabaligya sang maayo ang ila produkto sa tunga sang reports nga may nagakatabo nga oversupply.
Base sa report sang agricultural group nga SINAG, ang farmgate prices sang kamatis sa pila ka areas sang Nueva Ecija ang nagsarurot sa P4 kada kilo. Sa Bongabon sa amo nga probinsya, ginapanghatag na lang ang iban sini bangud sa tuman ka damo nga suplay. May yara man nga 22-kilos sang kamatis nga ginabaligya na lang sa presyo nga P100.
Suno kay DA spokesperson Assistant Secretary Arnel de Mesa, makahatag ang ahensya sa local farmers sang market access sa rasonable nga presyo.
Ginsiling sini nga mahimo makapalapit ang mga mangunguma sa municipal agriculturists ukon sa DA regional field offices para nga mabuligan sila nga mabaligya ang produkto sa malapit nga mercado ukon sa Kadiwa stores.
“Tutulungan namin sila kung saan pwedeng i-market sa malapit na palengke o sa ating Kadiwa sa mga regions,” pahayag sang opisyal.
Nagpanawagan man ini sa traders nga likawan nga hingalitan ang sitwasyon sang local farmers subong.
Gindugang man sini nga kinahanglan gid man ang cold storage facilities para ma-address ang naganubo nga farmgate kag retail prices bangud seasonal ang pila sa agricultural commodities kaangay sang kamatis kag bombay.
