Gin-anunsyo sang Department of Budget and Management (DBM) nga mabaton na sang mga kwalipikado nga empleyado sang gobyerno ang ila nga Year-End Bonus.
Katumbas ang ini nga bonus sang isa ka bulan nga basic salary, dala na ang ₱5,000 cash gift lakip na ang ila nga una nga sweldo subong nga bulan sang Nobyembre.
Suno sa DBM, kabug-usan nga masobra P82 billion ang pondo nga ginpa-in para sa year-end benefits sang mga kwalipikado nga sibilyan, militar, kag uniformed personnel.
Suno kay Budget Secretary Kim Robert de Leon, dapat siguraduhon sang mga ahensya sang gobyerno nga mabaton sang ila nga mga empleyado ang duha ka benepisyo nga dungan.
Kinahanglan nga makaserbe sang indi magnubo sa apat ka bulan ukon 120 ka adlaw halin Enero 1 tubtob Oktubre 31 ang mga kwalipikado, kag nagapabilin sa serbisyo sa gobyerno tubtob Oktubre 31.
Lakip man ang mga empleyado nga may regular, contractual kag casual nga posisyon sa national kag local government.
Nahibaluan nga tinutuyo sini nga benepisyo nga makabulig sa mga empleyado sang gobyerno kag sa ila nga pamilya sa mga galastuhon sa nagahilapit nga Pakwa, amo man sa pagkilala sang serbisyo sang mga ini sa gobyerno.
