ILOILO CITY- Nagdeklarar na sang dengue outbreak ang Iloilo bangud sa nagataas nga kaso sang balatian.
Sa interview sang Bombo Radyo kay Dr. Rodney Labis, Chief sang Health Service Delivery Division sang Provincial Health Office, iya ginpahayag nga nag-lab-ot na sa 4, 595 ang kaso sang dengue sa Iloilo subong nga tuig kun sa diin 10 na ang napatay.
Suno kay Labis , sa bilog nga Western Visayas, ang Iloilo ang may pinakamadamo nga kaso sang dengue kun sa diin nagtimbuok na ini sa 320% gikan sa narekord nga kaso sang 2023 nga yara lang sa 1,095.
Dugang niya, ginahulat na lang sang Iloilo Provincial Government ang deklarasyon sang duha ukon masobra pa nga local government unit sang state of calamity agud makadeklarar na sang province-wide nga state of calamity.
Base naman sa record sang Provincial Health Office, sa 10 ka napatay, 2 ang halin sa Miagao, 2 sa Badiangan, samtang may tag-isa naman sa Lambunao,Dingle, Igbaras, Barotac Nuevo, Banate kag Passi City.
