Ginsaylo na ang model nga si Deniece Cornejo sa Maximum Security Camp sang Correctional Institution for Women (CIW) sa Mandaluyong.
Ini nga kampo amo ang ginahamtangan sang high profile nga persons deprived of liberty (PDLs).
Base sa operating manual sang Bureau of Corrections, ang maximum security PDLs amo ang highly dangerous ukon high security risk nga mga preso nga nagalakip sang mga may minimum sentence nga 20 ka tuig pasaka.
Matandaan nga gin-convict sang Taguig Regional Trial Court Branch 153 si Deniece sa krimen nga serious illegal detention for ransom sa TV host kag comedian nga si Ferdinand “Vhong” Navarro.
Base sa pagsulundan, sa pagsulod sini sa Correctional Institution for Women, ginpatinir ini anay sa Reception and Diagnostic Center (RDC) kun sa diin ginadiretso ang bag-o nga mga preso sa sulod sang duha ka bulan lakip na ang lima ka adlaw nga quarantine.
Matandaan nga magluwas kay Deniece, napamatbatan man nga guilty beyond reasonable doubt for serious illegal detention for ransom sanday Cedric Lee, Simeon Palma Raz Jr. kag Ferdinand Guerrero kag ginsentensyahan sang reclusion perpetua kun sa diin paga-presuhon sila sa sulod sang 20 ka tuig tubtub sa kuwarenta ka tuig.
Kun basehan ang ila nga sentensya, sanday Raz, Lee kag Guerrero ang mahimo nga sayluhon man sa Maximum Security Camp sang New Bilibid Prison sa Muntinlupa halin sa NBP RDC.
