ILOILO – Masobra sa 180,000 ka mga estudyante ang naka pa-enroll na sa pihak sang Coronavirus Disease 2019 (COVID-19) pandemic.
Sa interview sang Bombo Radyo kay Dr. Roel Bermejo, Department of Education -Iloilo schools division superintendent, iya ginpahayag nga 186,355 sa target nga 453,817 ka mga estudyante ang natigayon na nga ma-enroll.
Suno kay Bermejo, ang madamo nga enrollees ang bangud man sa kooperasyon sang local government unit officials, opisyales sang barangay kag mismo ang mga ginikanan.
Masobra sa 85% sa mga enrollees ang pabor sa blended learning, kombinasyon sang nagkalain-lain nga approaches sa pagtudlo kag pagtuon.
May mga ginikanan kag kabataan man pahayag niya ang pabor sa radio kag television based instruction.
Dugang pa sang natungdan, ang mga buluthuan sa probinsya ang may yara man sang “e-classrooms” para sa mga manunudlo agud may gamiton sa tion nga magkulang ang mga kagamitan.
Ang “e-classrooms” sa diin may yara sang computrer kag internet connectivity ang kabahin lang sang digitalization program sang Department of Education.
