Nagpaandam ang Philippine Institute of Volcanology and Seismology (Phivolcs) sang posible nga damage kag aftershocks kasunod sang magnitude 5.1 nga linog sa Bogo City, Cebu subong nga hapon.
Nagluntad ang linog 22 minutos nakaligad sa alas tres subong nga hapon, tectonic in origin, sa kadalumon nga 10 kilometros.
Sa inisyal nga reports, may pila na ka mga establisyemento sa Cebu nga naka-report sang minor damage kasunod sang pagtay-og.
Ginkumpirma pa sang PHIVOLCS nga Intensity II ang nabatyagan sa Iloilo City.
Yari ang kabug-usan nga reported intensities suno pa sa ahensya:
Intensity IV – San Francisco, CEBU; Hilongos and Villaba, LEYTE;
Intensity III – Liloan, Talisay, CEBU CITY, Lapu-lapu City, CEBU; Isabel, Baybay, Carigara, Ormoc City, and Abuyog, LEYTE; Esperanza, MASBATE; Hinundayan, SOUTHERN LEYTE;
Intensity II – Kawayan, and Naval, BILIRAN; Roxas City, CAPIZ; Carcar, San Fernando, Argao, and Asturias, CEBU; ILOILO CITY; Dulag, Alangalang, and Palo, LEYTE; La Carlota City, NEGROS OCCIDENTAL; Silago, and Sogod, SOUTHERN LEYTE
kag Intensity I – Tapaz, CAPIZ; Borongan City, EASTERN SAMAR; Jordan, GUIMARAS; Passi City, ILOILO; Aroroy, Masbate, Cataingan, MASBATE; Bacolod City, NEGROS OCCIDENTAL; Gandara, SAMAR
Matandaan nga sa Bogo City, Cebu man nagluntad ang magnitude 6.9 linog sang Septyembre 30, 2025 nga nagpatay sang madamo nga mga tawo kag nagbilin sang madamo nga damage.
(*Note: Magnitude 5.4 ang una nga report sang PHIVOLCS, apang gin-downgrade sa magnitude 5.1 sa Earthquake Information No. 2.)
Words by: Bombo Jissa Padios
