Bantog na sa aton ang istorya angot sa red sea ukon dagat nga nag-ala dugo sa kapula.
Apang sa New Zealand, bantog man ang tubig nga indi pula kundi neon green! Nakakita ka na bala sang daw nagasiga nga tubig sa isa ka pond?
Ang amo nga pond ang ginpangalanan nga ‘Devil’s Bath’ isa sa mga popular attraction sa Wai-O-Tapu volcanic area sa New Zealand.
11 square miles ang kalapadon sang Devil’s Bath sa diin may yara sang viewing platform malapit diri nga mahimo tindugan sang mga turista agud makita sang maayo ang pinasahi nga view.
Ang tubig sa amo nga pond ang may yara sang concentrated iron, rason nga may intense green color ini, kag may yara man sang sulfur concentration, nga nagatuga sang light green kag yellowish nga color sa tubig.
Curious ka bala kun mahimo makalangoy kag makapaligo sa ‘Devil’s Bath’?
Ang sabat, INDI bangud tuman ka acidic ang lime-colored water sa amo nga pond kag posible nga ma peel off ang panit sang isa ka indibidwal nga magatusmaw diri.
