DINGLE, ILOILO – Ginpamatbatan nga guilty sang Sandiganbayan si Dingle Iloilo Mayor Rufino Palabrica III bangud sa kaso nga graft.
Sa ginpagwa nga desisyon sang Sandiganbayan Special Sixth Division, napamatud-an nga guilty si Palabrica sa duha ka counts sang paglapas sa Section 3 (h) sang Republic Act 3019 ukon Anti-Graft and Corrupt Practices Act.
Bangud sini, mapreso si Palabrica sang anom tubtub walo ka tuig sa kada counts nga iya ginlapas.
Indi naman mahimo makakapot si Palabrica sang anuman nga posisyon sa gobyerno.
Matandaan nga nag-ugat ang kaso batok kay Palabrica matapos mag isyu ang alkalde sang permit kag lease contract sa drug store nga iya ginapanag-iyahan.
Matapos nakitaan sang Office of the Ombudsman sang probable cause ang kaso, ila ini ginpasaka sa Sandiganbayan.
Sa ginpagwa nga desisyon sang Sandiganbayan matapos ang anom ka tuig, napamatud-an nga guilty ang alkalde beyond reasonable doubt.
