Posible nga magdangat sa masobra P80 kada litro ang presyo sang diesel kun indi pagpahat-pahaton ang pagpatuman sang price hike sa produktong-petrolyo.
Suno ini kay Department of Energy (DOE) Oil Management Bureau Director Rino Abad kadungan sang iya pagpaathag sa hearing sang Senate Committee on Foreign Relations nga ginapangunahan ni Senator Erwin Tulfo.
Suno kay Abad, sang tion nga nag-ibwal ang tensyon sa tunga sang Ukraine kag Russia, nagdangat ang presyo sa P90 kada litro.
“Yung Ukraine-Russia…umabot po tayo ng mga P90 kasi. Ayoko po mag-project pero ito’y mas masama pa doon eh kasi ito Middle East ang pinag-uusapan,” suno kay Abad.
Ini ang rason suno sa iya kun ngaa dapat staggered ukon pahat-pahat lang ang price hike kag indi isa lang ka pusdak sang saka-presyo.
“Kung mag-implement ang staggered, hindi masyado abot kaagad. Pero kung one time bagsakan, pwede yung umabot na po,” dugang ni Abad. “To be safe, pang above P80 po.”
Gina-estimate man sang DOE nga magdangat sa tubtub sa P70 kada litro ang presyo sang gasolina sa Marso kun indi man pagpahat-pahaton ang implementasyon sang price hikes.
“For the longest time, inemphasize natin na ginawa na ito before na nag-staggered price adjustment ang mga oil companies. In the case also of Ukraine, Russia,” suno kay Abad.
Ginpresentar man sini sa Senado nga safe pa ang suplay sang langis sa Pilipinas tubtub sa Abril 15. Magasapol pa ang ahensya oil companies sa masunod nga semana agud nga ma-follow up ang replenishment sang suplay halin sa Abril 16.
“Pinapabili na rin ni secretary ang PNOC ng inventory standby reserve. Up to 1 million barrels of reserve. So lahat ito, lahat ina-access natin yung anticipation,” dugang ni Abad.
Ang problema sa presyo sang fuel products ang nag-ugat sa pag-atake sang Israel kag US sa Iran, nga amo ang rason kun ngaa nagbalos ang Tehran kag naglapta na ang tensyon sa Middle East.#
