Ginbasura sang Department of Justice (DOJ) ang reklamo batok sa aktres nga si Gretchen Barretto kag pila ka indibidwal nga ginlakip sa kaso nga may kaangtanan sa mga nagkaladula nga manugbulang.
Sa isa ka 120-page joint resolution, ginpahayag sang panel of prosecutors nga ang mga ebidensya nga ginalakip sa ginatawag nga pitmaster Alpha Group nga ginapahayag nga ginkaulamiran ni Barretto, isa lamang ka “speculative and uncorroborated” ukon wala sang hugot nga pamatuod.
Suno sa panel, wala sang klaro nga ebidensya nga nagapakita nga ang mga ginreklamo nagmando, nag-upod, ukon may direkta nga ihibalo sa aktwal nga pag-kidnap sang mga manugbulang.
Wala man sang dokumento, recording, ukon independent witness nga nagasuporta sa ginahambal nga pag-approve ukon pag-intra nila sa operasyon.
Bangud sini, ginrekomendar sang DOJ nga ibasura ang reklamo batok sa grupo bangud sa kakulangan sang merito, apang ini ginpatuman “without prejudice” kun may posibilidad nga magtuhaw pa ang bag-o nga ebidensya sa palaabuton.
Hugot naman nga ginbaton sang kampo ni Barretto ang desisyon.
Suno kay Atty. Alma Mallonga, wala sang kamatuoran ang mga akusasyon batok sa aktres kag nagpasalamat ini sa tanan nga naghatag suporta sa iya sa tunga sang mabudlay nga sitwasyon.
