DOJ Sec Remulla, ginbuyagyag nga mismo ang legal department sang Bureau of Immigration ang nagabulig sa peke nga mga korporasyon nga makakuha sang visas

ILOILO CITY- Ginbuyagyag ni Department of Justice Secretary Jesus Crispin Remulla nga mismo ang legal department sang Bureau of Immigration ang nagabulig sa peke nga mga korporasyon nga makakuha sang pre-arranged employment (9G) visas.

Ini nga pahayag sang Justice Secretary ang kasunod sang pagpakigsapol niya kay Immigration Commissioner Norman Tansingco sa Department of Justice.

Ang Bureau of Immigration amo ang attached agency sang Department of Justice.

Suno kay Remulla, linibo ka mga visas ang gin-isyu sa masobra 500 ka peke nga korporasyon kun sa diin kadam-an ang ginagamit sang mga empleyado sang Philippine Offshore Gaming Operators (POGOs).

Nagpaandam naman si Remulla sa mga abogado nga may kahilabtanan diri nga mahimo sila nga manabat, apang wala pa sang nauyatan nga pangalan ang tiglikom.

Kasunod sini, ginmando ni Remulla kag ginhatagan sang tubtob sa katapusan sang Enero nga hitsuhon sang Bureau of Immigration ang amo nga isyu kag pang-islan ang mga tawo nga nagaasikaso sang visa nga wala sang involvement sang legal office.