Nagtaliwan na sa edad nga 80-anyos ang American country music icon nga si Dolly Parton.
Suno sa iya pamilya, ginbawian sang kabuhi ang “Queen of Country Music” samtang yara sa Nashville, Tennessee, USA. Wala pa ginpahayag ang rason sang iya kamatayon.
“Dolly has lived in the light and is in the arms of Jesus, surely met by Carl, her parents, and countless others who have watched her and longed for her to meet them in the heavens,” suno kay Bryan Seaver nga iya hinablos kag head of security sa sulod sang duha ka dekada.
“Dolly called me and said she wants to rest in a beautiful bed of plush cotton because after a life wearing heavy rhinestones, she finally deserves to be comfortable and have some rest,” dugang sini, “Rest in peace, Aunt Dolly.”
Naglab-ot sa pila ka dekada ang karera ni Dolly sa musika, pelikula, telebisyon kag philanthropy, kag nangin kilala siya sa mga hit songs pareho sang “Jolene” kag “9 to 5″ tubtub nga nangin country legend kag global superstar.
Si Parton man ang nagsulat sang “I Will Always Love You,” nga nangin international hit sang ginkanta ini ni Whitney Houston.
Sa sulod sang iya malawig nga karera, nakasulat si Parton sang mga 3,000 ka kanta, kag nakapa-gwa sang 49 studio albums kag masobra 100 compilation kag collaboration albums.
Sang Mayo, matandaan nga gin-cancel ni Parton ang pila niya ka concert sa Las Vegas bangod sa nagapadayon nga health concerns. Suno sa iya sadto, maayo ang iya treatment para sa wala ginhingadlan nga balatian, apang indi pa siya handa nga magbalik sa entablado.
“Very sad to report that Dolly Parton, one of the greatest Country singers, and far beyond, EVER, has just passed away,” suno naman kay US President Donald Trump sa iya post sa Truth Social network. “There has never been anyone like her, and never will.”#
