Ginhabuyan sang mga kamatis sang naugot nga mga raliyista ang opisina sang Department of Public Works and Highways (DPWH)-District Engineering Office sa Cebu City.
Sa report sang Cebu City Police, nagpatigayon sang rally ang mga multi-sectoral groups kag ginakondena ang lanpagon nga korapsyon sa ghost flood control projects sang ahensya.
Dala sang mga raliyista ang mga madamo nga basket sang kamatis nga suno sa ila nagasimbolo sang dunot nga sistema sang DPWH.
Gin-akusahan sang mga demonstrador ang DPWH executives sang pagpangurakot sang pondo sang gobyerno.
Ginabasol man nila ang DPWH officials sa malala nga pagbaha sa Cebu City.
Nag-apelar naman ang DPWH-Cebu City District nga magkalma ang mga tawo bangud may yara naman sang ginahimo nga imbestigasyon.
