Naka-ayo na ang drainage system nga naguba sang nagligad nga adlaw sa Iloilo Central Market bangud sa mamunog nga pag-ulan kag nagbulwak ang tubig sa merkado.
Ginabulubanta nagdangat naman sa kapin ₱200,000 ang ginbilin nga halit sang pagdanaw sang tubig sa isa ka shop sang native products sa lugar nga malapit sa drainage.
Sa interview sang Bomba Radyo kay Alyas Prince, tag iya sang native products, iya ginpahayag nga apektado gid ang ila palangabuhianbangud wala sila nag-exppektar nga matabo ina sa newly developed Iloilo Central Market.
Suno sa iya nabasa gid ang ila mga produkto kaangay sang banig, floral foam, duyan sang lapsag kag mga kalo.
Ginpahayag pa sini nga masakit sa ila ang natabo bangud kalabanan sa ila nga produkto ang indi na mapuslan kun basa na sang tubig.
Dugang pa niya nga dako ang ila kapital sa amo nga produkto.
Ginpahayag man sini nga magahatg sang bulig ang talatapan sang Central market kag ire-fund ang tanan nga mga nadamage nga produkto.
Nagapadayon man sa gihapon ang mga stall owner sa lugar sang pagpanghimos sang ila mga product.
Sa karon ginaseparar na nila ang mga produkto nila nga nabasa kag waala mabasa agud nga kon ngitaa sila sang pamatuod para sa refund nga igahatag ag ang ma refund may ipakita sila nga damage sang mga nabasa.
