ILOILO CITY- Ginpasiguro ni Senate Minority Leader Franklin Drilon nga indi makalusot ang P5.7 billion nga budget para sa Commission on Elections sa 2020.
Ini kasunod sang pagkadiskubre sang senador nga may nakapain nga P5.7 billion budget para sa barangay elections sa 2020 national budget.
Sa interview sang Bombo Radyo kay Senator Drilon, iya ginpahayag nga indi na madayon ang brgy. elections gani indi na kinahanglan ang nasambit nga budget para sa Comelec.
Suno kay Drilon, may consensus na nga ipaiway ang brgy. elections kag posible nga italana ini sa Mayo 2021,ukon sa Oktubre kag Nobyembre sa 2022, ukon sa Mayo 2023.
Nahibaluan nga napasar na sa 3rd and final reading sa kamara ang 2020 budget kag posible nga sa Oktubre pa ini ipasaka sa Senado.
Samtang, ginpahayag man sang Ilonggo Senator nga wala siya sang problema sa P8.2-B nga budget para sa Office of the President apang ginpasiguro niya nga busision ini sa gihapon.
