Ginpahayag sang Department of Social Welfare and Development ukon DSWD nga nakahatag na sila sang masobra P4.1 milyon nga humanitarian assistance sa mga pamilya nga naapektuhan sang bagyong Crising.
Suno kay DSWD spokesperson Irene Dumlao sa isa ka press briefing subong nga Sabado, Hulyo 19, ginpabutyag niya nga ang mga naigo sang bagyo ginhatagan sang family food packs kag non-food items bilang inisyal nga bulig.
Base sa datos sang DSWD kag sang Office of the Civil Defense, masobra 68,000 ka pamilya ukon 215,000 ka indibidwal ang apektado sang bagyo sa mga rehiyon sang Ilocos, Cagayan Valley, Central Luzon, MIMAROPA, Bicol, Western Visayas, Central Visayas, kag Zamboanga Peninsula.
May yara naman sang 5,400 ka indibidwal nga gin-evacuate sa mga evacuation center.
Ginpahayag man ni Dumlao nga padayon ang pagbantay sang DSWD field offices kag quick response teams sa mga lugar nga naapektuhan sang bagyo kag nagabulig ini sa mga local government units sa paghatag sang mga kinahanglanon.
