ILOILO CITY- Ano bala ang imo paborito nga duag?
Nakahibalo ka bala nga ang color ang maka apekto sang imo nga modo?
Kun nagakabatyag ikaw sang anxiety, kasubo ukon wala sang gana, mahimo nga ini na ang tion nga i-repaint ukon pintahan liwat ang imo nga balay.
Santu sa pagtuon sang American Home Shield, may yara sang correlation ang color kag mood.
Suno sa mga psychologists, ang nagkalain lain nga color combinations ang nagapaguwa sang nagkalain- lain man nga personalidad sang tawo.
Ginapanugyan sa pagtuon nga mas makapasangkad sang modo sang tawo ang mga bright colors ipaanggid sa mga dark colors kaangay sang pula nga nagapataas sang blood pressure kag heart rate.
Apang mas maayo ang duag nga pula kun yara ini sa kusina bangud mas nagapagana ini sa pag kaon.
Ang shades nga blue kag green ang gina abiso sang mga psychologists nga nagakadapat yara sa sulod sang imo kwarto bangud ini ang nagapakalma sa paminsaron sang tawo.
Gani kun ikaw ang magpatindog sang balay ukon luyag mo na nga islan ang color sang pinta sa imo nga kwarto, pilion ang bright colors agud mangin maayo pirme ang imo nga aga.
