Naupos gid ang duha ka mga balay sa nagluntad nga sunog sa Sitio Pangpang Sapa, Balantang, Jaro, Iloilo City.
Sa interview sang Bombo Radyo Iloilo kay Brgy. Kagawad Joel Jumayao sang nasambit nga lugar, iya ginpahayag nga naghalin ang kalayo sa balay ni Roberto Fostanilla kag naglaton sa kaiping nga balay nga ginapanag-iyahan ni Regine Sales.
Suno sa brgy. official, wala sang tawo sa balay ni Fostanilla sang magluntad ang sunog sa diin posible nga faulty electrical wiring sa computeran sa sulod sang balay ang ginhalinan sang kalayo.
Padayon naman ang imbestigasyon sang Bureau of Fire Protection agud matumod ang kabangdanan sang sunog kag ang balor sang kahalitan nga natuga sini sa mga nasunog nga propedad.
