Duha ka mga personnel sang PRO-6, nagpositibo sa confirmatory drug test; dismissal from service, nagahulat

ILOILO CITY- Duha na ka mga personnel sang Police Regional Office 6 ang nagpositibo sa confirmatory drug test.

Sa interview sang Bombo Radyo kay PMaj Mary Grace Borio, spokesperson sang Police Regional Office 6, iya ginpahayag nga ang duha nga nagpositibo ang ginalakipan sang personnel halin sa Negros Occidental Police Provincial Office samtang ang isa ang halin sa regional headquarters.

Suno kay Borio, dismissal sa serbisyo ang silot nga atubangon sang duha apang gin-athag niya nga ipaidalom sa gihapon ang mga ini sa nagakaigo nga proseso.

Nahibaluan nga naglab-ot na tanan sa 5821 ka personnel sang Police Regional Office 6 ang napaidalom sa drug test bilang kabahin sang internal cleansing sa organisasyon.