Nagtipon mismo ang mga artista sa plenary session sang Senado agud nga saksihan kag pasalamatan ang pagpasar sang Senate Bill No. 2505 ukon kilala nga Eddie Garcia Bill.
Ini nga hagna —nga nagatuyo nga protektahan ang mga nagatrabaho sa movie kag television industry — ang nakalusot na sa third and final reading, Pebrero 19, matapos nakabaton sang 22 affirmative, zero negative votes, kag zero abstentions.
Partikular nga ginaduso sang hagna ang istrikto nga implementasyon sang working hours, sweldo kag iban pa nga wage-related benefits, kag social security sa industry workers.
Kun mapirmahan na ini kag mahimo nga layi, mangin mandato na sang gobyerno nga mag-establisar sang Movie and Television Tripartite Council nga bug-usan sang mga tiglawas sang gobyerno, employers, kag mga naga-trabaho sa movie kag TV industry.
Ini nga hagna ang inspired sang kamatayon sang beterano nga aktor nga si Garcia sang 2019 nga nagsuprer sang neck injury bangud nakasandad ini kag natumba kadungan sang shooting sang iya kuntani nagahilapit nga “teleserye.”
Lakip sa nagtambong sa Senate proceedings amo ang movie personalities nga sanday Dingdong Dantes, Marian Rivera, asawa ni Garcia nga si Lilibeth Romero, Martin Nievera, Pops Fernandez, Tirso Cruz III, Iza Calzado, Mariel Padilla, kag iban pa.
