ILOILO CITY- Ka-Bombo, may kuring kamo nga hinuptanan?
Natilawan na ninyo nga magbutang sang pepino sa kilid sang kuring agud hibaluon ang iya reaksyon?
Laban- laban malumpat ini sa kahadlok.
Ngaa bala nahadlok sa pepino ang kuring?
Suno kay Jill Goldman, isa ka certified animal behaviourist, ang cucumbers amo ang naga-trigger sang natural nga reflexes sang cats.
Kun makita sang kuring ang pepino, ang una nga himuon niya amo ang magpalagyo sang madasig agud magpalayo sa pepino.
Ini bangud nga ginaangot sang mga kuring ang pepino sa mga man-og bangud sa itsura sini.
Siempre, nahadlok ang mga kuring sa man-og bangud makamamatay ini nga predator.
