CONCEPCION – Gindismiss na sang Commission on Elections En Banc ang election protest ni anay Concepcion Mayoralty Candidate Rainier Balida batok kay Concepcion Mayor Raul Bañas.
Ang final kag executory judgement ang napirmahan sang Pebrero 4.
Nahibaluan nga una nga gindismiss sang Regional Trial Court Branch 66 sa Barotac Viejo, Iloilo ang appeal for election recount nga ginpasaka ni Balida, apang gin-appeal pa gid ini ni Balida sa first division sang Commission on Elections.
Sang Setyembre 18, 2019, gin-dismiss ini sang Commission on Elections bangud wala nabayaran ni Balida ang P3,200 nga appeal fee.
Pagkatapos sini, ginpasaka ni Balida ang appeal sa Commission En Banc apang bangud atrasado ang pagpasar sang memandum of reconsideration, ginbasura man ini sang COMELEC en banc.
Sa interview sang Bombo Radyo kay Bañas, iya ginpahayag nga kumpiyansa siya nga bisan diin man ini nga korte dal-on, wala sang legal nga basehan ang election protest batok sa iya.
