Gin-ulan sang pagpanginbulahan ang Philippine National Women’s Football team matapos nag-qualify sa ikaduha nga sunod-sunod nga tion nga makahampang sa FIFA Women’s World Cup.
Natabo ini matapos ginlutos sang Filipinas ang Uzbekistan, 2-0, sa eliminator round sa AFC Women’s Asian Cup sa Gold Coast Stadium sa Australia.
Naka-goal para sa Philippine team si Angie Beard sa ika-47 nga minuto, kag singko minutos ang nakaligad, ginsundan ini sang goal ni Jackie Sawicki.
Pareho nga si Jael-Marie Guy ang nag-assist agud nga maka-skor ang duha ka players sang Filipinas, kag siya man ang gindeklarar nga Player of the Match.
Gindayaw ni Filipinas head coach Mark Torcaso si Guy sa pagpanikasog sini nga mapadaog ang team sa amo sini kadaku nga mga hampang. Ginpasalamatan man sini ang kada myembro sa ila kabakod apisar pila ka beses sila nga nalutos sa tournament lakip na ang 7-0 nga score sang ginpierde sila sang Japan.
“Even before the game, I told Jael this is your time to shine. And she put in two fantastic crosses that set us up in the second half. There was nothing I said apart from keep doing what we’re doing, hoping the young players do something special,” suno kay Torcaso sa post-match press conference.
“To have one of our future stars, I think a star on the world stage, play so well in a big game like this and help us qualify for the World Cup is a testament to her and her family. Jael is just one of the number of players coming through our program to be successful for the national team for many, many years,” dugang sini.
Para naman kay Guy, ang ila pagbalik sa World Cup amo ang bunga sang teamwork kag kapisan sang kada isa samtang yara sa pitch.
“As someone who is younger on the team, this is something I’ve dreamed about since I was little. Going to the World Cup is something that seems unreachable until it happens. I just feel very excited and grateful,” ginpakigbahin sini sa interview.
“None of this wouldn’t have been possible if we didn’t work together and be confident in each other. I’m just super grateful and super happy and super excited to go to Brazil next summer,” dugang ni Guy.
Sang 2023 ang debut sang Filipinas sa FIFA Women’s World Cup.
Magluwas sa ila, naka-qualify man para sa World Cup sa Brazil sa 2027 ang Australia, Japan, China, South Korea, kag ang North Korea.
