Magaabot na sa masunod nga semana ang una nga batch sang masobra isa ka milyon nga bariles sang krudo nga ginbakal sang gobyerno sang Pilipinas.
Katumbas ini sang 165.67 million litro nga suplay.
Suno kay Executive Secretary Ralph Recto, gin-order sang Department of Energy (DOE) ang amo nga langis kag makadugang ini sa suplay sang pungsod sa sulod sang lima ka adlaw. Pahayag sini, kabahin ini sang target sang gobyerno nga makabakal sang tubtub 2-million barrels sang diesel.
“[T]he oil diplomacy ably conducted by energy officials led by Secretary Sharon Garin has resulted in the firm order of 1.04 million barrels of diesel, with the first batch arriving this week,” pahayag sang opisyal.
May yara sang gin-invest nga ginabanta P20 billion sa idalom sang Emergency Energy Security Program sang DOE para sa sini nga procurement.
Gin-finalize ang kasugtanan sa suppliers paagi sa Philippine National Oil Company Exploration Corp.. nga ginapanag-iyahan man sang gobyerno.
Wala ginkumpirma sang gobyerno kun sanday sin-o ang kuhaan sini sang suplay, apang una ginpahayag nga gina-explore sini ang posible nga makahatag indi lamang sa Southeast Asia kundi mangin sa Japan, Canada, kag United States.
Sang nagligad nga semana, may nag-abot nga masobra 700,000 barrels sang krudo halin sa Russia nga gin-import man sang Pilipinas. Ang consignee amo ang Petron Corp nga amo ang naga-operate sang isahanon nga oil refinery sang Pilipinas sa Limay, Bataan.
