Handa na kun tani nga magbuyag-yag sang impormasyon ang anay Department of Public Works and Highways (DPWH) Undersecretary Catalina “Cathy” Cabral nahanungod sa ginahingadlan nga anomalya sa flood control projects antes siya napatay.
Suno kay Senate President Pro Tempore Panfilo “Ping” Lacson, iya ginpahayag nga nakig-angut sa iya si Cabral kag nagpahayag sang kahandaang nga maghatag sang dokumento may kaangtanan sa Special Allotment Release Orders (SARO) kag ginahingadlan nga ₱50 Billion nga unprogrammed fund insertions sa national budget.
Dugang pa sini nga ang ginatawag nga “Cabral files” nagalakip sang mga ngalan sang pila ka Cabinet secretaries nga may allocable kag non-allocable funds sa 2025 budget, upod ang anay DPWH Secretary Manuel Bonoan nga gina-alegar nga isa sa may pinakadako nga alokasyon.
May yara man sang ginapahayag nga pondo nga ginhalinan sang liderato sang Kamara kag pila ka party-list representatives.
Ginpahayag ni Lacson nga ang mga dokumento mahimo pa ma-authenticate sang Department of Budget and Management kag DPWH, kag kun mapamatud-an, mahimo ipatawag ang mga opisyal nga naulamid sa imbestigasyon sang Senate Blue Ribbon Committee.
Matandaan man nga si Cabral ang ginapahayag napatay matapos mahulog sa Pil-as sa bahin sang Kennon Road sa Tuba, Benguet sang Disyembre 18.
 Undersecretary Catalina “Cathy” Cabral nahanungod sa ginahingadlan nga anomalya sa flood control projects antes siya napatay.){kind=link}