Napatay na sa edad nga 89-anyos si retired Davao archbishop Fernando Capalla.
Masobra 15 ka tuig nga nagserbe si Capalla sa archdiocese kag nangin kilala man bilang peace advocate sa Mindanao.
“It is with deep sadness that we announce the passing away of our beloved Archbishop-Emeritus Fernando R. Capalla at the age of 89, at 1:23 a.m. today, 6 January 2024,” anunsyo ni Msgr. Jaime Gamboa, chancellor sang Archdiocese sang Davao.
Na-ordenahan si Capalla bilang pari sa Jaro Archdiocese sa Iloilo City sang 1961, gin-appoint bilang auxiliary bishop sang Davao sang Abril 1975 sa edad nga 40, kag nahimo nga obispo sang Hunyo sang amo man nga tuig.
Siya man ang nangin labing-una nga obispo sang Iligan sang 1982 kag nangin apostolic administrator man sang Marawi.
Nagpamuno man siya sa Catholic Bishops’ Conference of the Philippines halin sang 2003 tubtub sang 2005. Ginpangunahan sini ang nagkalain-lain nga departamento kaangay sang Episcopal Commission on Interreligious Dialogue kag Episcopal Commission on Ecumenical Affairs.
Siya man ang founder sang Bishops-Ulama Conference, isa ka interreligious organization nga nagatuyo nga mapalig-on pa ang paghangpanay sa tunga sang mga Muslim kag Kristiyano.
Ang iya mga lihok sa interfaith dialogue ang rason kun nakabaton siya sang wala-tuo nga mga awards kaangay sang San Lorenzo Ruiz Award for Peace and Unity sang 1991; Ateneo de Manila University’s Public Service Award for Peace sang 1998; kag Aurora Aragon Quezon Peace Award for Peace Advocacy and Peace Building sang 2000.
Magluwas diri, kilala man ang Davao archbishop bilang vocal critic sang kontrobersyal nga war on drugs ni anay Presidente Rodrigo Duterte.#
