Nagtaliwan na sa edad nga 59 si former Philippine National Police (PNP) chief Camilo Cascolan.
Nag-serbe si Cascolan bilang hepe sang pulisya halin sang Septyembre 2020 tubtub sang iya nga retirement sang Nobyembre 2020.
Antes nangin ika-24 nga chief sang PNP, nakapungko man ini bilang Director of the PNP Civil Security Group kag chief sang Directorial Staff of the PNP.
Nangin regional director man siya sang National Capital Region Police Office sang 2018.
Kilala man siya sa Iloilo bangud apisar tumandok siya sang Baguio City, nangin hepe siya sa Barotac, Ajuy, kag Balasan. Nakapangasawa man ini sang tumandok sang Sta. Barbara, Iloilo.
Lakip man siya sa ginakilala author sang Oplan Double Barrel nga amo ang flagship program sang Duterte administration sa gyera kontra sa iligal nga droga. Sa idalom sini nga programa naangot ang kontrobersyal nga Oplan Tokhang .
Nakapungko man ini bilang undersecretary sa Office of the President sang Pebrero 2021 kag Oktubre 2022 naman sang gin-appoint bilang undersecretary sang Department of Health (DOH).
