Nagtuga sang kakulba sa mga pumuluyo sa Bacolod City ang isa ka tinuga nga nga may malaba nga buhok, nakasuksok sang puti nga bestida, kag nagalagaw sa dalanon sa tion sang kaagahon.
Siya ang naaktuhan mismo sang Bombo News Team pasado alas-3:00 kaina sang kaagahon nga nagalakat sa dalan Lacson, Barangay Mandalagan.
Sa pag-check sang Bombo News Team, nakumpirma nga isa ini ka lalaki nga ginapatihan may deperensya sa paminsaron nga nagatiniil lamang kag nakatabon ang buhok sa iya nawong.
Siya ang naga-akto man nga kaangay nga ini ang nagapamahog.
Gilayon naman nga ginresponderan sang Bacolod City Police Station 3 ang area.
Pahayag sang mga ini nga ginasundan-sundan lamang nila ang lalaki, agud gilayon nga mabantayan hinali nga ini ang magpanakit.
