Gin-nominate sang national executive council sang ruling party nga PDP-Laban ang tandem nanday Senator Christopher “Bong” Go kag Presidente Rodrigo Duterte para sa 2022 elections.
Ginkumpirma mismo ni PDP-Laban elected president Energy Secretary Alfonso Cusi nga luyag sang ila grupo nga magpadalagan si Senator Go sa pagka-Presidente sa diin ang iya mangin running mate amo ang chairman sang partido nga si Duterte.
Apang gin-athag sang secretary-general sang partido nga si Melvin Matibag nga indi pa official candidates sang PDP-Laban ang Go-Duterte tandem kag ini pa ang paga-istoryahan sa masunod nga national assembly sa Setyembre 8.
Suno kay Go nga amo ang auditor-general sang PDP-Laban, siya dapat ang last choice sa pagka-presidente.
